БАЛАКАН АЛЕКСЕИ

БАМБУШ

ТҮҮ*

Герин эрст зург өлгәтә бәәнә. Ээҗ өрүн болһн цаһан кенчрәр зур- гин рамкиг болн шилиг арчна. Зәрмдән, терүг суһлж авчкад, ээж кес- гтән хәләһәд зогсна:

Бамбуш бас тер зургиг хәләхдән дурта. Зург—аавин зург гинә. Болв аав аавин бәәдл уга.

Аав күн сахлта, цаһан үстә болна. Бамбушин аав тии.м биш. Баахн. Хар костюмта. Цаһан киилгин захиг костюмин зах деегур һарһж. Үсән гедр цокад самлж. Инәмскләд бәәнә. Бамбушин аав баахн көвү- нә бәәдлтә.

Юңгад?

1. Аав, инәхнчн

Бамбуш эндр экэн дахад эрт серв. Бамбушин эк талдан хорад унт- на. Болв көвүн сергг. Экән босжах ә соңсад, тер серж одв.

Көнжлән әрәд ээж талан хәләхлә — унтад кевтнә. Ээж амарн кии- һән а.вад бәәнә. Хамр бәәһә бәәтл амарн кииһән авдви?. Ээжәс тиим ааль һарна.

Бамбуш герин эре тал хәләв. Аав, нег кевтән, оньдинд инэмсклэд һарна. Көвүн аярхн босад, көлдән жөөлн тапочк өмсәд, аавин зургин өмн одад зогсв. Тесж болен уга — ааван дахад инэв. Зург болв чигн, инәһәд бәәхлә, тесж болхш.

Бамбуш аавиг улм чаңһар инәлһхәр седәд чирәһән бирчилһв. Аав чанһар инәж өгсн уга, урдк кевтән инәмскләд бәәнә. Бамбуш бийнь тачкнад инәв.

— Аав, инәхнчн? — гиж тер сурв.

Аавин чирә көндрсн уга.

— Бамбуш, чи кенлә күүндәд бәәнәчи? — гиж тер хораһас экн_о сурв.

— Аавла.

— Аавла?

— Э, аавла...

Бамбушин эк үүднә кенчр хааһул әрәд, көвүн ээж хойрин хора тал шаһав. Ахр киилг, шалврта, көлдән тапочк өлгсн көвүһән үзчкәд, Бам­бушин эк алң болв.

— Яһад эрт босвчи?

— Ээжиг серүлж болхйи? — гиж Бамбуш экиннь сурврт сурврар хәрү өгв.

— Ода чигн эрт бәәнә.

— Эндр гиичд одх болж үгцләвдн.

— Кенә тал?

— Цернә аавин тал.

1б

2. КОСМОНАВТ АХ конструктор ХОЙР.

Цернә аав Манҗ өвгнә гер не.г уульнц һатц бәәнә. Ээҗ Бамбуш хойр һар-һарасн көтллдәд гертәсн һарцхав.

Эндр амрлһни өдр. Әмтн уульнцд олн. Ээҗ Бамбуш хойриг наад бәрсн кевтә, нег шар мис өмннь гүүҗ йовад, ардк хойр көл деерән су- ув. Бамбуш адһн-шидгн ардаснь көөлдхәр седхлә, һацата кевтә, ээҗ һаринь сулдхҗ өгсн уга.

— Би тер мисиг бәрҗ авнав,— болҗ көвүн ээждән зөв-учран күргв.

— Бәргдш уга,— гичкәд ээҗ, ик бурцг залгсн кевтә, дөлиҗ одв.

— А би бәрҗ чадхув!

— һаричн мааҗх...

— Терүг мааҗтл би бәрҗ авад көлмүдинь күлчкнәв...

Эн саамла мис, Бамбушин үгәс әәсн кевтә, ардк хойр көләрн һазр түлкәд, көгтә юмн кевтә, һәрәдәд-һәрәдәд, нег герин цааһар орадәрлв.

Церн үүрән үзәд байрлад одв. Көвүнә аав, Манҗ өвгн, ээҗд келв: — Цаһан, уралан һартн. Манахс базр орҗ одла.

Цернд ик ракет бәәҗ. Пластмассар кесн көк ширтә космонавт бас бәәнә. Тедниг үзчкәд, Бамбуш адһҗ келв:

— Би Юрий Гагарин болнав.

— Бол,—гиҗ герин эзн көвүн ик таалтаһар зөвшәрҗәнә.

— Чи кен болначи? —Бамбуш түрүләд үүрән кен болхиг йилһҗ авчкад, дакад альк планет тал нисхән темдглхәр шиидв.

— Би... би Ах конструктор болнав.— Церн хамрасн һооҗсн нусан һариннь нурһар арчв.

— Э, конструктор, нусан һарарн арчдмн биш,— болҗ космонавт үүриннь хаҗһринь чикләд, хавтхасн альчуран һарһҗ өгв.—Мә, үүгәр арч.

— Уга, би күүнә альчурар арчдгов,— гиҗ омгтаһар келәд, Церн гү- үҗ одад аавасн сурв:—Мини альчур ас.

Космонавт Ах конструктор хойр ракетиг нисхд белдх болж. һарв. Генткн Бамбуш сурв:

— А, чи. Ах конструктор, ю кехмчи?

Церн үүриннь генткн өгсн сурврт хәрү өгч чадлго. зөвәрт келкәрв:

— Би... би... мед-д-җәх-х-шв.

2 Альманах № 4